نكتة مغربية الضحك هنا غير كا يتشتت

بسم الله الرحمان الرحيم




نكت

مغربية





--------------------------------------------------------------------------------


هذي واحد السيدة ركبات فواحد الطاكسي قالت لمول الطاكسي ديني ل ايران
قاليها مول الطاكسي آشْمْنْ ايران راه هذا القصر الكبير آشْ وصلنا لشي ايران

وهيا تقوليه والو ديني ل ايران

بقى كيشوف فيها مول الطاكسي وهو يقول ليها قولي

(كاو كاو )وهي تقوليه ( أَوْ أَوْ )وهو يدور فيها وقال

ايوا قولي الكيران ماشي ايران آآ الْمُصِيبَة



--------------------------------------------------------------------------------


واحد صاحبنا لباس عليه مرفه مزيان وهو بلدي شويا
واحد النهار بغى يمشي للرباط على شي غرض وهو عمرو مامشى لشي مدينة
سول واحد صاحبو فهايمي وقال ليه اذا جاني الجوع وبغيت ناكل فين نمشي
باش يفهمو مزيان بلا مايصدع راسو معاه قال ليه
فين ما دخلتي لشي محل ولقيتي فيه الكراسى بزاف هذاك راه مطعم
دخل واجلس وضرب في يديك اذا جا عندك الراجل سولو اشنو دايرين ليوم
وطلب ليه اللي ناسبك
السيد بدا يدور حتى دخلو الجوع مزيان وهو يشوف محل كبير
طلل من الباب بانو ليه الكراسى بلا حساب دخل
ملي جلس بدا يضرب فيديه جا عندو واحد قال ليه اش حب الخاطر
قال ليه صاحبنا اش دايرين ليوم
قال ليه لاخور ليوم راه دايرين جوج
جاكي شان........... وشارلي شابلان
قال ليه صاحبنا ديرهوم بجوج في خبزة وجيبهوم ليا راني فوت فيا الجوع
سحابلو مطعم ما عرفهاش راها سينيما



--------------------------------------------------------------------------------


واحد السيد مزوج 3 دلعيالات قوى عليه السايار
والوقت ضاقت بيه بغى ينقص وحده منهوم وبدا يخمم مبقاش ينعس
واحد النهار صافي طلع ليه الدم مزيان وبغى يلقا السبة على شي وحدة
عطا لكل وحد نفس المبلغ و قاليهوم طيبو شي ما يتكال

جا للدار في ساعة الغدا دار في للولة قال ليها اش مطيبا ليا ليوم
قالت ليه موجدة ليك طاجين الدجاج بالبصل والزبيب وكنتسناك اراجلي الحبيب
قال ليها انتيا دوزي لهاذ الجهة
دار في الثانية وقال ليها ونتيا اش موجدة ليا ليوم
قالت ليه طاجين دلحوت كفتة ومدور وكنتسنا فيك اراجلي المنور
قال ليها تا نتييا دوزي حدا لوخرا وجلسي
لقا وجهها كلو ماكياج

وهو يسولها قال ليها وانتيا اش موجدة ليا ليوم
قالت ليه قدرة دلبيصارة بالفول كنتسناك وقتاش تدخول
وهو يدور فيها معصب مزيان قال ليها
انتيا تبعيني للادارة
عند العدول



--------------------------------------------------------------------------------


هدا واحد حول جا يدفن باه دفن يماه



--------------------------------------------------------------------------------


هادي زوجة ديل الرئيس تصلة به وهو في الاجتماع
الزوجة: لحاقني شي شفار دخال ندار
الرئيس:ياللعجب لان كل الوزراء هنا في الا جتماع



--------------------------------------------------------------------------------


واحد مغربي مشى يتفرج فكاس العالم في اليابان
هو وسط الملعب جالس حذاه ياباني شويا ذاك الياباني
بدا كيهضر بوحدو وكيشير بيديه
المغربي سولو قال ليه كيفاش كنت كتدوي بلا تلفون بلا والو
الياباني قال ليه هذي تكنولوجيا جديدة عاد اخترعناها
كنهضرو بلا بورطابل غي كنحركو يدينا ونهضرو مع اي واحد في العالم
خونا بقى فيه الحال وبغى يفوح على الياباني
واحد الساعة جالس وبدا يفيبري بوحدو
وهو الياباني سولو قال ليه مالك علاش كتقفز غي بوحدك
دار فيه المغربي قال ليه لا راه غير شي واحد من المغرب صيفط ليا
الفاكس وراه وصلني





--------------------------------------------------------------------------------


واحد النعجة يتيمة معندهاش باها عندها غير يماها
المهم ذيك النعجة جا واحد الحولي يخطبها
وهي ما بغاتوش حيت معجبهاش
ويماها كلفت عليها قالت ليها ها السخط ها الرضا
ومخصهاش تكون مسخوطة مع امها
في الاخير قبلت ولكن بشرط
العرس غادي يديروه حتى يدوز
العيد الكبير



--------------------------------------------------------------------------------


هذو جوج صحاب بزاف مكايتفرقوش ومبليين بشرب الكول 96%
ديما كيسكرو بجوجهوم واحد النهار واحد فيهوم كيموت
وضار فصاحبو كيوصيه قال ليه تعاهدني تبقى تشرب ليك وليا حتى تموت
المهم مات هذاك بقى صاحبو ديما كياخذ قرعة دلكول و2 كيسان
من عند مول الحانوت كيجلس يشرب كيكب كاس لراسو وكاس لصاحبو
كانه جالس معاه وكيشرب ديالو وديال صاحبو
دازت شي يامات وهو كيدي غير قرعة وحدة وكاس واحد
وهو يسولو مول الحانوت قال ليه شفتك بقيتي كتدي غير كاس واحد
قال ليه ذاك السكايري انا راه عفى عليا الله هذا غير ديال صاحبي انا باقي كنشرب فيه



--------------------------------------------------------------------------------


قاليك هادوا واحد الجوج مشاوا يدوزو البرمي .
قالو للاول الا لقيتي الضوء الاحمر اش
تدير قاليهوم نحرقوا
و قالوا ليه بشحال تمشي ف المدينة قاليهوم 120 كلم /س
وهما يعطيوه البرمي
و الثاني سولوه نفس الاسئلة وهو يجاوب بحال الاول وهما يقولو ليه راك
سقطتي قاليهم وعلاش الاول نجح قالوا ليه
هداك راه مدوز برمي ديال
سيارة الاسعاف



--------------------------------------------------------------------------------


شي واحد مشى عند الطبيب ديال الاسنان
حيد ليه السنان وقال ليه خصك تمشي عند صانع الاسنان باش يصاوب ليك فم جديد
ولكن حتى تبرا ليك اللحم ديال الفم
السيد دوز شي مدة مكرفس مكاياكولش مزيان واحد النهار مشى عند صانع الاسنان
دخل للعيادة حتى وصلاتو نوبتو
دخل ساعة فاش جا هذاك الصانع بدا كيعبر ليه ف يدو
دار فيه السيد قال ليه انا راه جيت باش تصاوبلي فمي
قال ليه الصانع ذاك الشي اللي غادي ندير
قال ليه السيد ولكن انت كتعبر ليا يدي ماشي فمي
قال ليه الصانع انا راني بغيت نصاوب ليك الفم
ولكن خصني ندير ليك قد فمك قد ذراعك



--------------------------------------------------------------------------------


شي واحد دايما كيحط الفلوس فوق راسو
واحد الفضولي سولو قال ليه علاش كتحط الفلوس فوق راسك
جاوبو قال ليه بغيت يولي عندي راس المال



--------------------------------------------------------------------------------





واحد الجزار مشي يخطب شي بنت
المهم تكلم مع والديها في كل التفاصيل
ملي سولهوم على الصداق ابوها طلب شي ثمن طالع بزاف
وهو يدور فيهوم الجزار قال ليهوم
تفاهمو معايا بشحال الكيلو



--------------------------------------------------------------------------------


سألوا مصري : ليش الشعب المصري يحلف كثير؟
قال: طب والله العظيم ذي إشاعة!!



--------------------------------------------------------------------------------


نكتة شاعت بمناسبة الزيادات المتتالية في

الأسعار، تقول: " اصطاد شخص سمكة... فسارع إلى زوجته طالبا منها أن تقليها... لكن

الزوجة اعتذرت لعدم وجود زيت بالبيت.. فقال لها اسلقيها في الماء فاعتذرت الزوجة ثانية

لعدم وجود قنينة غاز.. فطلب منها أن تشويها فصرحت الزوجة لا نلمك حطبا ولا فحما...

فحمل الرجل السمكة وراح إلى البحر فألقاها فهتفت السمكة تعيش الحكومة




--------------------------------------------------------------------------------


ال ليك اسيدي هذا واحد المدرب دخل الدراري للملعب وخلاهوم يسخنوا
هو رجع لحجرة الملابس ديالهوم نسى شي حاجة تماك
المدرب تعطل شويا ورجع لقى مفاجئة
لقى الدراري ........................تحرقوا



--------------------------------------------------------------------------------


واحد السيد قال لبنتو راه ولد عمك باغي يتزوج بيك
وانا راه وافقت ليه وقلت ليه انت الوحيد اللي يمكن نزوجك بنتي
دارت الدرية ف باها قالت ليه
اسمعا ا الوالد الا تزوجني ولد عمي
غادية نتحر
قال ليها باها تنتحري نقتلك



--------------------------------------------------------------------------------


قال ليك واحد السيد مشى يضرب الصداق............. جابها ف لعدول




--------------------------------------------------------------------------------


واحد عرض على صحابو يجيو عندو للدار فلليل
المهم جات المجموعة كاملين وجلسوا قصارين تا لاخر ساعة
واحد الساعة قال مول الدار ليهوم واش نسبقوا اتاي اولا العشا
ايوا الناس مع تعطلو فلقصارة دخلهوم الجوع مزيان
كولهوم قالو نسبقوا العشا
ضار فواحد منهوم قال ليه توكلنا عا الله
قيم الصلاة اسي الحاج



--------------------------------------------------------------------------------


واحد جالس فلقهوة وطلب كاس داتاي
المهم الكاماريرو (( النادل )) جاب ليه اتاي وحطو ليه قدامو
بدا يشرب فيه وهو يتزير ناض للطواليط وخلا الكاس فوق الطبلة
مللي رجع ملقاش الكاس بدا يغوث شكون دا الكاش
جاوبو واحد مشمكر قال ليه البرازيل
قال ليه مول الكاس لا شكون دا الكاس منهنا
جاوبو تاني الشمكار قال ليه الجيش الملكي



--------------------------------------------------------------------------------


واحد الأخ فتح البلاكار لقا حوايجو معلقين هوا يتبعهم



--------------------------------------------------------------------------------


قال ليك واحد السيد ديما تياكول غير العدس بلا ما يقول بسم الله
واحد النهار يالله حط العدس وهو يدور فيه الشيطان
قال ليه قل بسم الله خلينا نهربو من الماكلة
راك قهرتينا بالعدس اصاحبي



--------------------------------------------------------------------------------


هذا واحد السيد بلدي شويا مزوج بواحد المرا سميتها جمعةهو سميتو الحاضي
خرج الفيزا لفرنسا باش يمشي يتسارا مع مدام ديالو
مشى هو ومرتو في عز الصيف شدو لوطيل فمدينة شاطئية
الحاصول واحد الصباح بغاو يهبطو لبحر هو ومرتو يعومو
هبطو نعاماس المرا موحشة فلبحر زادت دخلت
واحد الساعة راجلها شافها وما خصوش
يهضر بالعربية لابلاج عامرة بالفرنسويين وبدا يغوت
وا vendredi وا vendredi عنداكي تفوتي الdimanche



--------------------------------------------------------------------------------


قال ليك اسيدي 4 ديال الدراري صحاب بغاو يقصروا
تافقو كل واحد يجيب شي حاجة
جالسين وهو ينوض واحد قال ليهوم انا غادي نجيب الشراب
مشى شوية جا وجاب معاه الشراب
الثاني قال تانا غادي نجيب شي حاجة غبر شويا وهو يجي وجاب الحشيش
الثالث تاهو ناض مشى شويا رجع وجاب ليهوم الماكلة
بقى واحد قالوا ليه تانتا خصك تجيب شي حاجة باش تكون مشاركنا
ناض ذاك الرابع غبر واحد الشويا وهو يوقف عليهوم
ولكن ماشي بوحدو حيث جاب ليهوم
البوليس



--------------------------------------------------------------------------------